MuzafferOzak.com (Türkçe)

NUTK-İ ŞERÎF

Bir hayâl-i hâb idi dünyâ geçüp gitdi yine

Bu müsâfir-hâneden herkes göçüp gitdi yine

Câm-ı 'aşkı içmeğe gelmişdi bezm-i 'âleme

Doldu çün peymânesi içüp gitdi yine

Âşiyân tutmuş idi bâğ-ı ten içre mürg-ı cân

Bir iki gün dinlenüp anda uçup gitdi yine

Herkese tohm-ı 'amelden hissesin virdi Hudâ

Ol dahi ekdi vü mahsûlün biçüp gitdi yine

İrdi çün "firrû ilallah" emri gûşa Hakkıyâ

Ehl-i Hakk hep cânib-i Hakk'a kaçup gitdi yine

İsmâil Hakkı Bursevî

Kaddesallahu Sırrahu'l-Âlî

Bir Hayâl-i Hâb İdi Dünyâ Geçüp Gitdi Yine