Bir Nigâh-ı Merhamet Kıl Yâdigâr Olsun Bana

25 Ocak 2020 tarihinde yayınlanmıştır.

NUTK-İ ŞERÎF

Bir nigâh-ı merhamet kıl yadigâr olsun bana

Zulmet-i hecrinde mihrin tâbdâr olsun bana

Nâlemi teskîn için te'sîr-i 'aşkından senin

Rûz ü şeb zevk-ı derûnum âh u zâr olsun bana

Dilde tasvîr-i hayâlindir enîs-i mahremim

Nâr-ı hecrin şiddet-i 'aşka medâr olsun bana

İhtizâz-ı dilde ârâyiş verir enfâsıma

Sûz-i nîrânın enîni nağmedâr olsun bana

Derd-i sevdâya esîr-i nâtüvân dermânıdır

Çâresâzım hâk-i pâyinden gubâr olsun bana

Cânlara hâkim olup fermân-ı hüsnün bî-amân

Tahtgâh-ı mülk-i dilde tâcdâr olsun bana

Dîde-i 'aşkım görür her cevrini zevk u safâ

Yâre-i ebrûlarınla cevr-i yâr olsun bana

Sînemi tûr-i tecellî-i cemâl eyle müdâm

'Aşk ile yansın tutuşsun şu'le nâr olsun bana

Gonca-i hüsnünle te'mîn eyle va'd-i vaslını

Kâilem her bir nefes bin türlü hâr olsun bana

Bend-i zülfün bendesi Sâmî'yi âzâd eyleme

İntisâb-ı bâb-ı hüsnün iftihâr olsun bana

Şeyh Abdurrahmân Sâmî Sâruhânî

Kaddesallahu Sırrahu'l-Âlî