Biz Çâkerân-ı Hazret-i Şâh-ı Risâletiz

20 Temmuz 2019 tarihinde yayınlanmıştır.

NUTK-İ ŞERÎF

Biz çâkerân-ı "Hazret-i Şâh-ı Risâlet"iz

Halka-be-gûş-i sıdk u kemer-bend-i gayretiz

Hırka-be-dûş u tâc-be-ser her-âsitân

Gûşe-nişîn-i tekye-i fakr u kanâ'atiz

Biz çâr-yâr bendesiyiz Hayder-beriz

Rafz u cehâlet eylemeyiz ehl-i vahdetiz

Bizler meyân-ı nâsda misl-i secenceliz

Ebnâ-yı cinse çün mehekk-i zîb-i tal'atiz

Sâhib-kırân-ı âl-i abâ şehsüvârımız

Biz yekke-taz-ı arsa-geh-i hâşimiyyetiz

Çetr-i penâh bes bize dâmân-ı Ahmed

Der-zîr-i sâyebân-ı livâ-yı se'âdetiz

Tezyîn edüp dü 'âlemi destâr-ı sebz ile

Biz nesl-i pâk-i gonca-i bâğ-ı nübüvvetiz

Müştâk-var fahr ederiz Mustafâ ile

Her çend pây-bend-i kuyûdât-ı gafletiz

Ey Şâh-ı enbiyâ meded ey Şâhid-i Hudâ

Leb-teşnehâ-yı kevser-i havz-ı şefâ'atiz

Müştâk Baba

Kuddise Sırruh