Biz Mevâlî-meşrebiz Ma'nâ Medâyih Söyleriz
2 Nisan 2018 tarihinde yayınlanmıştır.
NUTK-İ ŞERÎF
Biz mevâlî-meşrebiz ma'nâ medâyih söyleriz
Pür mücevher-tab'ız elfâz-ı fesâyih söyleriz
Vahdet-i Hakk'ın cemâlin ravzâsın kıldık tavâf
"Küllü hîn inneme'l-mevt"i serâyih söyleriz
Bezm-i kudret cür'asın nûş eyledik cem'-i ezel
Hemdem-i erbâb-ı 'aşkız hoş-nesâyih söyleriz
Tâ'in-i ağyârız ammâ dost ile bil âşinâ
Her tabî'atden geçüp biz bî-kabâyih söyleriz
Mazhar-ı nûr-i tecellî olmuşuz Mûsâ gibi
Anlamazlar nüktemiz bâd-ı revâyih söyleriz
Hubb-i Ehl-i Beyt ile olduk ferîh ü müftehir
Ol mehabbet iktizâsınca ferâyih söyleriz
Pendimiz olmuş tılsım-ı mahzen-i esrâr-ı 'aşk
Nutkî-evsâfız Nigâhî nutk-ı vâzıh söyleriz
Diyarbakırlı Nigâhî Hazretleri
Kuddise Sırruh