Bizi İnsân Edüben Eyledi Ehl-i İslâm
28 Mart 2020 tarihinde yayınlanmıştır.
NUTK-İ ŞERÎF
Bizi insân edüben eyledi ehl-i islâm
Hâlık'ın ni'metine hamd ü senâ eyleyelim
Kalıba sıhhat ü hem kalbe safâ verdi tamâm
Hâlık'ın lutfuna gel hamd ü senâ eyleyelim
Olup eşcâr kalem olsa mürekkeb 'ummân
Lutfunun binde birin yazmağa yokdur imkân
'Aczden gayrı neye kâdir olurmuş insân
Hâlık'ın ni'metine hamd ü senâ eyleyelim
Lutf u ihsânına gâyet mi var ey Hayy ü Kadîm
Yine rahmetle nazar et bize ey Rabb-ı Kerîm
Bu Hüdâyî kuluna eyledin ihsân-ı 'azîm
Hâlık'ın lutfuna gel hamd ü senâ eyleyelim
Azîz Mahmûd Hüdâyî
Kaddesallahu Sırrahu'l-Âlî