Bu Âlem Kim Görürsün Bir Tecellîgâhdır Cânâ
1 Ekim 2015 tarihinde yayınlanmıştır.
Bu 'âlem kim görürsün bir tecellîgâhdır cânâ
Kimi 'âkıl kimi mecnûn kimi âgâhdır cânâ
Kimi zâlim kimi mazlûm kimi fâsık kimi ma'sûm
Kimi 'âbid kimi zâhid kimi gümrâhdır cânâ
Kimi 'âlim kimi câhil kimisi mürşid-i kâmil
Kimi müflis kimi de sadr-ı 'ulüvv-câhdır cânâ
Şu'ûnât-ı ilâhîdir bu ef'âl-i tenevvu' hep
Her eşyâ bir tecellî mazhar-ı billahdır cânâ
Münezzeh cümle eşyâdan 'aceb sırr-ı hafîdir bu
Görünen her mezâyâdan yine ol şâhdır cânâ
Bu kıyl ü kâl bu kesret olupdur perde-i vahdet
Görünen perdeden yine cemâlullahdır cânâ
Gören kim görünen kim bu vahdethânede Hilmî
Gören de görünen de cümle nûrullahdır cânâ
Hilmi Dede
Kuddise Sırruh
NAĞME-İ AŞK
Hilmi Dede
Kuddise Sırruh
NAĞME-İ AŞK