Bu Âlemde Şu Kim Bir Mürşid-i Kâmilden El Almaz
8 Haziran 2023 tarihinde yayınlanmıştır.
.jpg)
NUTK-İ ŞERÎF
Bu 'âlemde şu kim bir mürşid-i kâmilden el almaz
Gurûr ile gider hâl-i selefden bir mesel almaz
Düşer dûrudırâz-efkâra sûret-bîn olan 'ârif
Hakîkat-bîn olanlar fikrine tûl-i emel almaz
Geçüp tûl-i emelden ibn vakt olmak gerek zîrâ
Hudâ kuldan 'amel ister mükâfâta kesel almaz
Ma'ârifden dem urmak iftihâr itmek hamâkatdir
Hezârân ma'rifet icrâsı bir ecr-i 'amel almaz
Kişi ders-i 'arefden bir sebak almak gerek lâkin
Gerekmez cer bize çün hâce-i 'âlem cedel almaz
Şu denli düşdü rağbetden ma'ârif kadri 'âlemde
Ki nakd-i bî-bahâdır fark olunsa bir basal almaz
Salâhî lâf ile olmaz hulûs ile dili sâf it
Fülûs ister safâya pîr-i meyhâne gazel almaz
Abdullah Salahaddîn Uşşâkî
Kaddesallahu Sırrahu'l-Âlî