Bu Araya Bir Niçe Gün Konduk Eyledik Karâr
3 Eylül 2024 tarihinde yayınlanmıştır.
NUTK-İ ŞERÎF
Bu araya bir niçe gün konduk eyledik karâr
Âhiri göçdük değil çün dâr-ı dünyâ pâyidâr
Bâl açup uçdu hümâ-yı dil yine pervâz idüp
'Âkıbet bilmen ne yeri kılısar âhir medâr
Kona göçe mihr ü meh kimi cihânı seyr ider
Durmadan pervâz ider gerdün kimi leyl ü nehâr
Bir arada iki gün durmaz bu hercâyî gönül
Kalmadı şabr u karârı gitdi elden ihtiyâr
Ey Hayâlî şark u garbı ser-te-ser seyr eylesen
'Âkıbet bir gün olursun dehr içinde hâkisâr
Ahmed Hayâlî-i Gülşenî
Kaddesallahu Sırrahu'l-Âlî