Bu Çeşm ü Ruh La'l ü Leb ü Zülf-i Belâ Çü
19 Şubat 2023 tarihinde yayınlanmıştır.
NUTK-İ ŞERÎF
Bu çeşm ü ruh la'l ü leb ü zülf-i belâ çü
Alçaklara akıtdı dil-i cânı beher su
Bu rûz u şeb ü âmed ü reftin sırrı cânâ
Gün gibi hüveydâ idi der-köhne vü der-nû
Azdırdı seni 'akl-ı beyâbânî eyâ nefs
Geldi yolunu bağladı ol fitne-i câdû
'Âşık sırr-ı cânı koyup aldı menâzil
Sen hayret ile kalmada el boş u siyeh-rû
İstersen eğer halk-ı cihân ola muhibbin
İnsân u melek ü cin kıla ihlâs ile tâpu
Kes rişte-i peyvend-i sivâyı dil ü cân
Her sûda işide kulağın na'ra-ı yâ Hû
Kaplamış iken kevni anın nûr-ı muhîti
Kör oldu gözün görmedi bir zerre-i ser-i mû
Dirsin ki ben Allah'la ol hâzır u nâzır
Hakkâ ki huzûrunda usan bâtıla karşu
Dirsin dahi hem rızk-ı kasemnâya inandım
Ya sende nedir hîle-i tezvîrle kaygu
Hayfâ ki gurûr ile batâletle tena'um
Mest itdi anlamaz oldun yek ile dü
Bâliğ çü değil dü dü çalan kanda olur bir
Gel pîre iriş bire iriş mahv ola dü dü
Şeyhî kocayup vaz'-ı sabâyı komadı hayf
Yâ Hû meded it tâ duya her zerre-i yâ Hû
Şeyh Abdülmecid Sıvâsî
Kaddesallahu Sırrahu'l-Âlî