Bu Dâr-ı Fenâ İçre Bir Sahrâya Geldim Ben
5 Ocak 2023 tarihinde yayınlanmıştır.
NUTK-İ ŞERÎF
Bu dâr-ı fenâ içre bir sahrâya geldim ben
Esb-i hevese bindim birkaç sene yeldim ben
Hâlimde gider idim deryâ yolumu aldı
Etrâfını devr etdim âhir ana daldım ben
Ref’ olmadı çün perde tedrîs-i 'ulûm ile
Ak u karadan geçdim mir'âtımı sildim ben
Esmâsına tâbi' çün zâtım sıfatım u fi'lim
Çıkdım aradan şerrin tedbîrini saldım ben
Ne tûl-ı emel kaydı ne 'ilm ü amel saydı
Bu hayret ocağına bilmem niye geldim ben
'İlmine dayanmakdan ikrâr-ı cehil yeğdir
Şükr olsun ol Allah'a kim cehlimi bildim ben
Bu defter-i kesretden bu şöhret-i mihnetden
Aldım alımım ey dil besdir iyi güldüm ben
Rûyum kararup desem ağrıdı hevâ ile
Dön Rabbine insâf et Şeyhî ki kocaldım ben
Abdülmecîd Sıvasî
Kaddesallahu Sırrahu'l-Âlî