Bu Dil-i Mahzûnu Cânân Yine Mesrûr Eyledi
27 Şubat 2023 tarihinde yayınlanmıştır.
NUTK-İ ŞERÎF
Bu dil-i mahzûnu cânân yine mesrûr eyledi
Fezkürûnî ma'nâsıyla anı mezkûr eyledi
Nâr-ı firkatle dil ü cân dem-be-dem sûzân iken
Vuslatı âbını saçup nârımuz nûr eyledi
"Len terânî" neş'esinden lem'a saldı 'âleme
Cism ü câna şeş cihâtı Mûsâ-veş Tûr eyledi
Yer ü göğe sıġmayan bu sehv ü taksîr her ne var
Zerre-i şems-i tecellîsiyle mağfûr eyledi
Ka`be-i nûr-ı cemâlin mervesi verdi safâ
Nusret-i feth-i mübînden bizi mansûr eyledi
Kapdı kesret 'âleminden vahdeti topun bu gün
Kimi ki şehr-i şerî'at içre meşhûr eyledi
Sırr-ı eşyâya Fenâyî kıl hakîkatle nazar
Nûr-ı zâtın cümle mevcûdâtda mestûr eyledi
Ehl-i Cennet Fenâyî Mehmed Efendi
Kaddesallahu Sırrahu'l-Âlî