Bu Fenâ Mel'abenin Devr u Gubârı Nice Bir
26 Aralık 2020 tarihinde yayınlanmıştır.
NUTK-İ ŞERÎF
Bu fenâ mel'abenin devr u gubârı nice bir
Külhanı gülşen sanup zahme-i hârı nice bir
Her nefesde nicelik bin mahv u isbât gösterir
Pes akarsu üstüne nakş u nigârı nice bir
Mürg-i câna âşiyân olmuş iken bâğ-ı cinân
İşbu ıstabl-ı sütûr içre karârı nice bir
Bir çürük lezzet-i mevhûme vü mesmûme için
Her denî seg-sîretin mihnet ü bârı nice bir
'Ömr-i hoş-mâyeyi yıllarda savurdun Şemsî
Her gerekmezde bunun gabn u hasârı nice bir
Şemseddin Sıvâsî
Kuddise Sırruh