MuzafferOzak.com (Türkçe)

NUTK-İ ŞERÎF

Bu günler böyle kalmaz belki gün akşâm olur dirler

Zamân âhir olunca câ-yı hicret Şâm olur dirler

Şu kim 'akl u hevâ-yı nefse tâbi' ola bu yolda

Anı erbâb-ı 'aşk âhir katı bed-nâm olur dirler

Bugün şol teşnelikden pâre pâre leb olan yarın

Girüp dâru'n-na'îme sel-sebîl-âşâm olur dirler

Kalır nâz ehli nâkıs fi'l-hakîka Hakk'a yol bulmaz

Niyâz erbâbının ammâ sülûkü tâm olur dirler

Görenler şeyh Hakkı'nın bu yolda sîret ü seyrin

İrişir menzil-i maksûda nîk-encâm olur dirler

İsmâil Hakkı Bursevî

Kaddesallahu Sırrahu'l-Âlî

Bu Günler Böyle Kalmaz Belki Gün Akşâm Olur Dirler