Bu Menzil Bir Mürûrgâhdır Mürûrgâhda Karâr Olmaz
1 Nisan 2020 tarihinde yayınlanmıştır.
NUTK-İ ŞERÎF
Bu menzil bir mürûrgâhdır mürûrgâhda karâr olmaz
Bu dünyâ bir güzergâhdır güzergâhda diyâr olmaz
Bu bir cânbâz-ı mekkârdır vefâsız bir cefâkârdır
Mürîdin ber-murâd etmez bu bir kimseye yâr olmaz
'Aceb bir av ile avlar kişinin başını tavlar
'Acabâ geldi mi bir er bu sayyâda şikâr olmaz
Gözün perdesini kaldır nûr-i 'ibret ile doldur
Basîretle nazar eyle bu miskîn pâyidâr olmaz
Bu bir kânûn-i kadîmdir gelen gitmek içün gelmiş
Bu bir kazâ-yı elbettir bu derde hiç timâr olmaz
Misâfirhânedir elbet gelen gider konan göçer
Bu dâr bir dâr-ı rıhletdir ikâmete bâzâr olmaz
Nice Lutfî gibi dildâdelerin nâ-murâd etmiş
Vefâsızın vefâsını gözetmek akla kâr olmaz
Alvarlı Efe Hâce Muhammed Lutfî
Kaddesallahu Sırrahu'l-Âlî