Bu Mürg-i Cân Nice Uçmaz Çün Ol Cenâb-ı Cemâl
8 Mart 2023 tarihinde yayınlanmıştır.
NUTK-İ ŞERÎF
Bu mürg-i cân nice uçmaz çün ol Cenâb-ı Cemâl
Hitab-ı lutf ü vedâd eyleyip diye ki "teâl"
Niçin suya kurudan kendin atmaz ol mâhi
Ki geldi gûşine hoş bang-ı âb-ı bahr-i zülâl
Niçin şikârdan uçmaz şehine ol şâhin
Ki "irci'î" haberin verdiler tubûl ü düvâl
'Aceb halâveti vardır bu 'aşk-ı cân-bahşın
O kim karâr eder ansız görür şekâ vü dalâl
Tez uç eriş hemân ey mürg-i cân o sâhibine
Halâs bul bu kafesden açılsın ol perr ü bâl
Bu hâk-ı şûreden eyle sefer iç âb-ı hayat
Gönülde sadr-ı safâ bul yeter bu saff-ı niâl
Cihânı ehline ver Hakkı 'âlem-i dile gel
Ki ol cihân-ı firâk oldu vu cihan-ı visâl
Erzurumlu İbrâhim Hakkı
Kaddesallahu Sırrahu'l-Âlî