Bu Vücûdun Yoğ İken Milk-i Fenâda Eseri
5 Nisan 2020 tarihinde yayınlanmıştır.
NASÎHAT
Bu vücûdun yoğ iken milk-i fenâda eseri
Vâr idi Hazret-i Allah ki yaratdı beşeri
Rızkını verse gerekdir ne çekersin kederi
Hakk'a tefvîz-i umur et gözet hükm-i kaderi
Çünkü bir fâide vermez bu yerin sîm ü zeri
'Âkıbet semt-i bekâya kılacaksın seferi
Orda evvel sorulur etdiğin 'ısyân haberi
Var mıdır bir kişi ki dünyâda bâkî kalacak
Hangi merdâneyi gördün ki felek yâr olacak
Katre katre cem' olup kâse-i ömrün dolacak
Bunda hayr işleyen âdem yine anda bulacak
Hayra dâir 'amelin yoksa hâlin n'olacak
'Âkıbet semt-i bekâya kılacaksın seferi
Orda evvel sorulur etdiğin 'ısyân haberi
Lemhiyâ dehr-i muvakkat gözetip kur temelin
Her gelen gitse gerekdir emri budur "lem yezel"in
Topla metâ'ını yüklen hazır eyle cemelin
Hükm-i Kur`ân'ı unutma odur nûr-i 'amelin
Sana bir gün gibi gelmez erecekdir ecelin
'Âkıbet semt-i bekâya kılacaksın seferi
Orda evvel sorulur etdiğin 'ısyân haberi
NAĞME-İ AŞK