Bülbül Gibi Nâlân Ol Efgâne Gel Ey Sôfî
16 Temmuz 2020 tarihinde yayınlanmıştır.
NUTK-İ ŞERÎF
Bülbül gibi nâlân ol efgâne gel ey sôfî
Gülşende hırâmân ol cevlâne gel ey sôfî
Şevk ile levendâne gir halka-i rindâne
Hem-dest olup ihvâna devrâne gel ey sôfî
Perhîz ü riyâzet kıl tevhîd ü ibâdet kıl
İzhâr-ı şecâ'at kıl meydâne gel ey sôfî
Kâl içre bulup hâli hâlinden idüp kâli
Bildinse bu ahvâli şeyhâne gel ey sôfî
Hâl ehlini gûş eyle şevk ile hurûş eyle
Deryâ gibi cûş eyle 'ummâne gel ey sôfî
Ol tıfl-ı Rızâ-dâde gel mekteb-i irşâde
Teslîm olup üstâde pîrâne gel ey sôfî
Neccârzâde Mustafa Rızâ Efendi
Kaddesallahu Sırrahu'l-Âlî