Bülbül-i Gülzâr-ı Aşkam Âşiyân Olmaz Bana
7 Ağustos 2020 tarihinde yayınlanmıştır.
NUTK-İ ŞERÎF
Bülbül-i gülzâr-ı 'aşkam âşiyân olmaz bana
Mürg-i lâhûtem anınçün bir mekân olmaz bana
Gülsitânım tâze tâze güllerim açmakdadır
Arzû-yi nev-bahâr etmem hazân olmaz bana
Pûte-i zilletde kal etdi beni üstâd-ı 'aşk
Zer-i sâfîyem mehekk-i imtihân olmaz bana
Sûretim sîretde pinhân eylemişdir cânımı
Sûretim sîretde cân oldu zamân olmaz bana
Ey Sezâyî şem'-i vasla per yakar pervâneyem
Hâlet-i vaslın safâsından figân olmaz bana
Hasan Sezâyî
Kuddise Sırruh