Bülbül İsen Gel Berü Nûr-ı Gülistân Bundadır
28 Ekim 2023 tarihinde yayınlanmıştır.
NUTK-İ ŞERÎF
Bülbül isen gel berü nûr-ı gülistân bundadır
'Âşık isen hem dahi verd ile reyhân bundadır
Tâlibin efsâne sanman bağrını çâk itdiği
Pâdişâhın her nazar bakdığı seyrân bundadır
Sûret-i cismânîye kılma nazar gir içerü
Hakk Te'âlâ öğdüğü ahsen-i insân bundadır
Zâhidâ dersin senin harf ü hurûfun bahsidir
Dört kitâbın ma'nâsı âyât-ı Kur`ân bundadır
'İlm-i hikmetden ledünnîden gelen güftâra bak
Tâlib isen gel berü tevhîd ü 'irfân bundadır
Nice bahrın mevcidir gel gör sana şerh itdiğim
La'l ü yâkût u cevâhir dürr ü mercân bundadır
Gel Sinân Ümmî'ye bak gör kim nice kaynar taşar
Katredir illâ ki ol deryâ-yı 'ummân bundadır
Elmalılı Sinân Ümmî
Kaddesallahu Sırrahu's-Sâmî