Bulmak İstersen Eğer Dergeh-i A'lâda Felâh
14 Şubat 2022 tarihinde yayınlanmıştır.
NUTK-İ ŞERÎF
Bulmak istersen eğer dergeh-i a'lâda felâh
Olup a'lâlar ile yâr olagör ehl-i salâh
İt o cem'iyyet-i kübrâyı tefekkür her bâr
Zât-ı bî-çûne tazarru'da ol akşam u sabâh
İşbu 'âlemde vefâ olmadığı günden 'ayân
'Ömr sür'at ile geçmede mânend-i riyâh
Nice mağfûr olunur olmayıcak sâlih 'amel
Hiç tayerân ola mı mürgi şikest ola cenâh
Fazliyâ cünd-i şeyâtînden emîn olmak içün
Zikr ü tevhîd ü 'ibâdet gibi olmaya silâh
Osman Fazlî Efendi
Kuddise Sırruh