Câm-ı Aşkı Aşk İle Nûş Eyledik
15 Eylül 2024 tarihinde yayınlanmıştır.
.jpg)
NUTK-İ ŞERÎF
Câm-ı 'aşkı 'aşk ile nûş eyledik
Mâsivâyı hep ferâmûş eyledik
Hayret-ender-hayrete düşdü gönül
Fikrimiz mât 'aklı medhûş eyledik
Hayrete düşdüğüme ta'n eylemen
Gözümüz yâr yüzüne duş eyledik
Cennet-i 'irfâna biz bulduk vusûl
Ma'nâ-yı hûru derâgûş eyledik
Gâlib olunca bize zevk u safâ
Kükreyüp deryâ gibi cûş eyledik
Derdimize biz yine derdi devâ
Eyleyüp derd-i dili hoş eyledik
Kenz-i dilde cevher-i yektâ bulup
Bedrî'nin gûşuna mengûş eyledik
Mahmud Bedreddin Efendi
Kuddise Sırruh