MuzafferOzak.com (Türkçe)

NUTK-İ ŞERÎF

Câm-ı 'aşkı nûş edüp serhoş olan pâkîze zât

Bu cihânın gussasından lâ-cerem bulur necât

Cezbe-i 'aşk her kimin gönlüne dolarsa eğer

Gözlerine girmez anın subh u şâm aslâ sebât

Âferin ol merde kim kodu bu yolda bâşını

Sen de 'âşıksan eğer var kendini meydâna at

Ta'ne-i 'aşk ile maktûl olanı sanma ölür

Haydır ol geldi yeniden cismine anın hayât

Kalb-i 'uşşakâ fuyûzât erişir Hakk'dan müdâm

Anın için eylemezler mâsivâya iltifât

Nûr-i 'aşk ile mücellâ 'âşıkın dil hânesi

Ehl-i 'aşkın oldu a'lâ kadri min külli'l-cihât

'Âşıkân eşrâf-ı halkdır anların hürmetine

Yağdırır bârânı Yezdân bitirir yerden nebât

Kulluk istersen Hudâ'ya 'âşık ol Kuddûsiyâ

Yek nefes cezbe hayırlı ez hezâr savm ü salât

Ahmed Kuddûsî

Kuddise Sırruh

Câm-ı Aşkı Nûş Edüp Serhoş Olan Pâkîze Zât