Cân-ı Cânân İsteyenler Terk-i Cân Olmak Gerek
15 Nisan 2019 tarihinde yayınlanmıştır.
NUTK-İ ŞERÎF
Cân-ı cânân isteyenler terk-i cân olmak gerek
'Âlem-i devr-i zamânda bî-nişân olmak gerek
Lâ-müsellim kaydımış gavvâs olan gevher bulur
Gevher-i gayb isteyenler bî-nişân olmak gerek
Rükn-i a'zam sıdk u himmet i'tikâd-i pâk imiş
Bî-riyâ ihlâs-ı mahz bî-gümân olmak gerek
Nahv u sarf u mantık u hey'et nücûm u 'ilm-i tıb
Meclisin terk eyleyüp andan revân olmak gerek
Sen seni altun sanırsın altunun oda bırak
Sâfî olup gıll u gışdan pâk-cân olmak gerek
Bildiğin terk eylegil hestîliğin elden bırak
'Aşk ile pervâne tek bî-cism ü cân olmak gerek
Şems istersin ki Sultân sohbetine eresin
Kapusunda çok zamânlar pâsbân olmak gerek
Hazret-i Akşemseddîn Velî
Kuddise Sırruh