Cân Tengnâ-yı Tende İdi Habs Çün Hümâ
8 Mart 2023 tarihinde yayınlanmıştır.
NUTK-İ ŞERÎF
Cân tengnâ-yı tende idi habs çün hümâ
Kesr itdi lutf ile kafesin pençe-i kazâ
Sıdk u safâ cenâhın açup uçdu şevk ile
Dil 'âleminde buldu güzel 'aşkdan nevâ
Gâfil kafesden özge mekân bilmez idi kim
Tenden firâka mâtem edüp dirdi hasretâ
'Ârif ki bildi gülşen-i cân vüs'atin revân
Tenden halâsa şükr ider ol mevte merhabâ
Kuşdur o cân-ı pâk u kafesdir bu cism-i hâk
Süflî kafesde kalmaz o mürg-i bülend-câ
Kuş beste-per değilse niçin açmaz ol cenâh
Sâd-pâre eylemez kafesin tutmaz ol hevâ
Seyr eylesen gönülde hümâ cilvegâhını
Hakkı şikesten-i kafes âsân olur sana
Erzurumlu İbrâhim Hakkı
Kaddesallahu Sırrahu'l-Âlî