Cân u Bâşı İşbu Yolda Eyledim Şehâ Fedâk
23 Ağustos 2023 tarihinde yayınlanmıştır.
NUTK-İ ŞERÎF
Cân u başı işbu yolda eyledim şehâ fedâk
Mahrûm etme hürmetine kavl-i "levlâke levlâk"
Çün elest bezminde "belâ" 'ahdi mest etdi bizi
'Aklı yağmâ eyledik hem sînemizi çâkiçâk
Sözümüz hem özümüz birlikdedir Dost ile çün
'Ahd ü peymân üzre kalb tanık vücûdun et helâk
Yüzünü yerlere sürüp arz-ı niyâz eyle kim
Hakk için vârını sarf et hem vücûdun eyle hâk
Râhatı terk eyle bulsun bu gönül râhatını
Çün huzûr-ı kalb olunca cümle a'zâ oldu pâk
Her umûrun Hakk'a tefvîz eyleyip kayd eyleme
Ki hevâ-yı nefs için olma perîşân gâmnâk
Mukadderdir her işleri edip kılan hem etdiren
'Âciz-i bîçâre kullardan ümîd etme hâşâk
Nice şâhlar pâdişâhlar kapısı muhtâcıdır
Böyle efendiye kul olmuşdur ol zât-i pâk
Yak vücûdun şem-i nârına sakın fevt eyleme
Sûz-i Hakk'la Sûziyâ kalbini eyle sûzinâk
Ahmed Sûzî
Kuddise Sırruh