Can Verir Âşık Bu Yolda Kasd-ı Canan Eylemez
16 Haziran 2024 tarihinde yayınlanmıştır.
.jpg)
NUTK-İ ŞERÎF
Can verir 'âşık bu yolda kasd-ı cânân eylemez
Küfr ile kılmaz 'adâvet meyl-i îmân eylemez
Dünya ahret küfr ü îmân nisbeti yok 'âşıkın
Korku duzehden ümîd-i hûr u cinân eylemez
Yaz u kış u leyl ü nehâr cümle bahâr olur ana
Her çiçek gül yok diken 'azm-i gülistân eylemez
Mescidi büthâneden fark eylemez 'âşık olan
Kande olsa Dost iledir vasl-ı hicrân eylemez
Bakdığı yerde görür Dost yüzünü bî-levn ü reng
İllâ bu sırra melek mahrem ya insân eylemez
Bî-nişân olur nişânın kimse bilmez 'âşıkın
Niteliği hiç belirmez reng ü elvân eylemez
Şems olur zerre iken hem katreyken deryâ olur
Cûş ider taşra atar ol dürrü pinhân eylemez
Tut dilin söyleme Eşrefoğlu Rûmî kıl sükût
'Ârifin sözlerini çün fehm nâdân eylemez
Eşrefoğlu Rûmî
Kuddise Sırruh