Cânâ Nedendir Bu Kadar Cevr ü Cefâlar Bana
14 Mart 2023 tarihinde yayınlanmıştır.
.jpg)
MÜNÂCÂT
Cânâ nedendir bu kadar cevr ü cefâlar bana
Yetmez mi ayâ bu kadar gadr ü ezâlar bana
Her an celâl-sıfat 'aklımız yağmaladın
Sezâ olsun mu bu sûretle edâlar bana
Lutf-ı cemâl ile bir kerre eyle mürüvvet
Lâyık değilsem de eyle 'atâlar bana
Kul olanda kusûr günâh olagelmişdir
Şâha lâzım 'afv itmek bu kadarca hatâlar bana
Gördükde seni vârım veririm billâh
Pek sehl etmek olur baş cân fedâlar bana
'Ahd itmiş idin 'âşıka ezelde visâlin
Ma'şûka vâcibdir etmek vefâlar bana
Sûzî sînem yâresi günbegün efzûn olur
Teşrîf edüp kendi elinle eyle devâlar bana
Ahmed Sûzî
Kuddise Sırruh