Cânâna Satup Cânı Aldım Yine Cânânı
3 Ocak 2020 tarihinde yayınlanmıştır.
NUTK-İ ŞERÎF
Cânâna satup cânı aldım yine cânânı
Bâkîde olup fânî buldum dem-i Rahmân'ı
Vahdet iline girdim vuslat demine erdim
Ben anda 'ayân gördüm ol şâh-ı cihân-bânı
Vuslatla şeref-yâbem çün şems-i cihân-tâbem
Bir cevher-i nâ-yâbem sarrâfı bilir ânı
Şehbâz-ı ilâhîyem serbâz-ı güvâhîyem
'Ummânlara mâhîyem der-'âlem-i 'irfânî
İrşâda olup fermân derdlere kılam dermân
Sultâna olam sultân buldum çün o sultânı
Hurşîd-i ziyâ-güster nûr-ı Hakk'a 'âşık-ter
Nûrî'den anı ister ol ârif-i rabbânî
Şeyh Abdülehad Nûrî
Kaddesallahu Sırrahu'l-Âlî