MuzafferOzak.com (Türkçe)

NUTK-İ ŞERÎF

Cânib-i ma'şûkdan esdi yine bâd-ı sabâ

'Âşıkın oldu girîbânı çü gül gonca kabâ

Derd-i 'aşka kâil ol kim bundadır dermân-ı dil

Olmasın 'ömr-i 'azîzîn derdsizlikden hebâ

Ger muhabbet lezzeti konsa dimâğ-ı cânına

Zehr olursa sunduğu mahbûbun itmezsin ibâ

İbn-i Edhem 'aşk ile berbâd kıldı tahtını

Düşdü râh-ı 'aşka Belkıs eyledi terk-i Sebâ

Hakkıyâ mahv-ı fenâ kıl kendini mahbûbda

İbtilâya bakma zîrâ vardır anda ictibâ

İsmâil Hakkı Bursevî

Kaddesallahu Sırrahu'l-Âlî

Cânib-i Maşûkdan Esdi Yine Bâd-ı Sabâ