Cânımı Uryân Edüp Saldım Bu Aşk Deryâsına

NUTK-İ ŞERÎF

Cânımı 'uryân edüp saldım bu 'aşk deryâsına

Nâgehân 'aşkın sataşdım dürr-i bî-hemtâsına

Cân u bâş u dîn ü dünyâ verdim aldım derd-i Yâr

Merhem ol derd oldu ancak yüreğim yarasına

'İlm ü 'akl ü zühd ü takvâ çün hicâb oldu bana

Külli sevdâdan geçüp düşdüm anın sevdasına

Mâsivâdan göz yumup gördüm anın dîdârını

Kendözümden el yudum girdim fenâ sahrâsına

Ol fenâdan bir fenâya bir fenâdan key fenâ

Key fenâdan sonra erişdim anın bekâsına

Bir bekâdır ol bekâ hergiz fenâ ermez ana

'Aklını ko gel eresin bu sırrın ma'nâsına

'Akl ile 'aşka girilmez 'aşk 'aklı mahv eder

'Akl 'aşkın ol sebebden gelemez yöresine

'Âkil ister cennet ü hûr u kusûr gılmân ola

'Âşıkın hiç meyli yokdur cennet ü ni'mâsına

'Âşık ol kim göresin Dost yüzünü bunda bugün

Mağrûr olma zâhidin ol va'de-i ferdâsına

Va'de-i ferdâya göymez 'âşık-ı şûrîdeler

Göz karartır düşüverir zülfünün karasına

Eşrefoğlu Rûmî 'aşkdan hoş haber verdi yine

Müddeînin hiç kulak urmaz kuru da'vâsına

Müddeînin her sözünde var-durur nice garaz

Tâlib isen girme zinhâr müddeî arasına

Eşrefoğlu Rûmî

Kuddise Sırruh