Cefâ-yı Yâre Sabr İden Dostun İrer Vefâsına
20 Şubat 2022 tarihinde yayınlanmıştır.
NUTK-İ ŞERÎF
Cefâ-yı yâre sabr iden dostun irer vefâsına
Bulmaz vefâ-yı yâri hiç katlanmayan cefâsına
Yirme sakın belâlardan bârın olursa sad-hezâr
Bâlin eğer ister isen tahammül et belâsına
Haste-i derd-i 'aşk isen koma anladı zârını
Zamân ola irişesin ol hekîmin devâsına
Ak üstüne karaları kırâat eyle ey fakih
Bir gün ola irmeyesin ol akın da karasına
Mukadder-i Hudâ imiş derd ü belâ zevk ü safâ
Mü'min isen mihnet ile katlan anın kazâsına
Revân-ı râh-ı 'aşķ olan hayât-ı câvidân bulur
Yine anın cemâlidir 'âşıķa kan bahâsına
Zâhidâ ger ister isen anı gider sen de seni
Kendini yok eylemeyen irmez anın likâsına
Mürşide irmeyen kişi murâdına irişmeye
Ere iren Hakk'a ire bulup sebeb halâsına
Günâhının nihâyeti yok bu Nizâmîoġlu'nun
Rahmetin çok senin hâcem bakma anın hatâsına
Seyyid Nizâmoğlu Seyyid Seyfullah
Kuddise Sırruh