MuzafferOzak.com (Türkçe)

NUTK-İ ŞERÎF

Çek gılâf-ı "lâ"dan "illâ" tîğını meydâne gel

Nefsine verme emân kes bâşını merdâne gel

Ten libâsı 'âriyetdir 'ârdır 'âriflere

Soyun andan giy hakîkat câmesin uryâne gel

Bu tılısm-ı tende cânın genc-i mahfîdir bugün

Himmet eyle fethine ol genc-i bî-pâyâne gel

Gel fenâ bahrinde mahvet katre-i nâçîzini

Bulasın dürr-i murâdı tut nefes 'ummâne gel

Senden öğrensin Sezâyî sûzişi pervâneler

Şevk ile cânın atup şem'-i visâle yâne gel

Hasan Sezâyî

Kuddise Sırruh

Çek Gılâf-ı "Lâ"dan "İllâ" Tîğını Meydâne Gel