Çekdik Nice Gün Gûşe-i Meyhânede Esmâ
4 Ekim 2021 tarihinde yayınlanmıştır.
NUTK-İ ŞERÎF
Çekdik nice gün gûşe-i meyhânede esmâ
Tâ dilde karâr eyledi bâde-i müsemmâ
Bildin nice bir nokta imiş merkez-i 'âlem
Peymânden oldu bize bu keşf-i mu'ammâ
Ger vâr ise ey ehl-i verâ' sende isti'dâd
Ver tâ'atin al gûşe-i meyhânede bir câ
Âh eyle geçen vakte ki bî-mey geçirilmiş
Ömrün güzerân eylemiş el-hâsıl bî-câ
Bir cür'a ki merdân-ı Hudâ nâmına çekdik
Bâtında zuhûr eyledi bin cevher-i ma'nâ
Zâhirdi bizim kârımız inkârına yer yok
Huffâşdadır 'ayb velî şems hüveydâ
İkrâh eder erbâb-ı verâ' zâhirimizden
Vâkıf değil esrârımıza münkir-i sevdâ
Peymâne-keşiz mest-i müdâmız dili sâfız
Halvetnîşiniz muhtefîyiz sâkin-i Kâf'ız
Seyyid Hamza Nigârî
Kuddise Sırruh