Çekmem Elim Talebden Maksûda Ermeyince
19 Temmuz 2022 tarihinde yayınlanmıştır.
NUTK-İ ŞERÎF
Çekmem elim talebden maksûda ermeyince
Yâ cân çıkar bedenden yâ vasl olur müyesser
Bu râhın evvelinde pek çok elem keder var
Lâkin nihâyetinde ölmek anın mukarrer
Cânın fedâ edersen gel gir tarîk-i 'aşka
Bâri dıraht-ı 'aşkın kân ile oldu müsmer
Ber-hâr olur o kimse bustân-ı câvidândan
İstek ile ederse katl-i hayâta mü'ser
İster isen te'ayyüş sen hâne-i cihânda
Terk eyle râh-ı 'aşkı bul bir tarîk-i dîger
Sürmez isen sivâyı sen hâne-i dilinden
Görmez safâyı rûhun mir'ât-ı dil mükedder
'Âlemleri 'adem bil meyletme mâsivâya
Terk eyle cüst ü cûyu her şeyi bil mukadder
Mehmed Esad Dede
Kuddise Sırruh