Cemâl-i Vahdet-i Zâtın Senin Bî-intihâ Deryâ
13 Temmuz 2017 tarihinde yayınlanmıştır.
NUTK-İ ŞERÎF
Cemâl-i vahdet-i zâtın senin bî-intihâ deryâ
O bahrin katresinden geldi dü 'âlem ü mâfîhâ
Sen ol zât-ı hüviyyetsin senindir saltanat dâim
Ki senden vâr olur her vâr yine sana eder ric'â
Şu'ûnat-ı ezel mir'âtıdır bu nakş-ı tasvîrât
Kemâl-i sun'una âyinedir hep esfel u a'lâ
Ey vücûdu gayb-i mutlak kenz-i mahfî-i 'amâ
Künh-i zât-i kudsüne yok ibtidâ vü intihâ
Kâhir-i cümle mezâhirdir sıfât-ı akdesin
Devr-i imkân mihveridir mihr-i esmâ-yı 'ulâ
Cümle eşyâ sûret-i bahr-i müsemmâ serteser
Vahdet-i zâtın onun her katresinden rûşenâ
Kudretinde zerre-i makhûrdur kevn ü mekân
Zevk-i "illâ"yı bulan nefy-i sivâda dedi "lâ"
Mihver-i burc-i te'ayyün 'aks-i 'ayn-i âfitâb
Âfitâbın sâbitidir zıll-i cûd sûret-nümâ
Erişüp künh-i şuhûd mahv-ı vücûda Sâmiyâ
Kenz-i istigrak içinde bulagör sırr-ı bekâ
Kaddesallahu Sırrahu'l Âlî