Cemâlin Âfitâbı Kıldı İşrâk Yâ Resûlallah
13 Eylül 2024 tarihinde yayınlanmıştır.
NA'T-I ŞERÎF
Cemâlin âfitâbı kıldı işrâk yâ Resûlallah
Ziyâsı dü cihâna verdi revnâk yâ Resûlallah
Olunca pertev-i hüsnün nümâyân rûz-i ezelden
Derildi der-i behişte cümle 'uşşâk yâ Resûlallah
Ezelden bûy-i 'aşkın 'ıtrını kim anda şemm itdi
Bugün de yine oldur sana müştâk yâ Resûlallah
Olan zâhirde bâtında senin pervâne-i hüsnün
Diler dâim ola 'aşk ile ihrâk yâ Resûlallah
Seni medh eylemek mümkin degildir hadd-i imkânda
Kemâl-i vasfını eyledi Hallâk yâ Resûlallah
Hemân kurb-ı visâline erişüp intisâb etmek
Bu Bedrî bendenin maksûdu ancak yâ Resûlallah
Mahmûd Bedreddin Efendi
Kuddise Sırruh