Cemâlindir Görünen Çünki Her Câ
22 Nisan 2022 tarihinde yayınlanmıştır.
MÜNÂCÂT
Cemâlindir görünen çünki her câ
Seni senden ider bu dil temennâ
Kamu eşyâyı câmi' oldu zâtın
Bahâne arada sugrâ vü kübrâ
Vesîledir bu yolda gerçi esmâ
Vesâit kat' iden buldu müsemmâ
Bu sûretin me'ânîsin beyân it
Umarız feth ola sırr-ı mu'ammâ
Semâ-yı dilde bedr eyle hilâlim
Zıyâ versin cihâna mihr-âsâ
İrişdir bâlimizi müntehâya
'Ayân ola ana sırr-ı "ev ednâ"
Nice vasf ide şânını Fenâyî
Görülmekden bilinmekden mu'arrâ
Ehl-i Cennet Fenâyî Mehmed Efendi
Kuddise Sırruh