Cemî'-i Tâlibin Matlûbu Allah

16 Mayıs 2024 tarihinde yayınlanmıştır.

NUTK-İ ŞERÎF

Cemî'-i tâlibin matlûbu Allah

Bizi sen matlab-ı a'lâya irgür

Kamu 'âşıkların mahbûbu Allah

Bizi sen maksad-ı aksâya irgür

Habîbin gör gönül şân-ı bülendin

Ki artırmaz garîb ü müstemendin

Salup meydâna şol himmet semendin

Niyâzın Hazret-i Mevlâ'ya irgür

Nukûşa bakma nakkâşa nazar it

Mehâlikden sanemlerden hazer it

Ko esmâyı müsemmâya nazar it

Şuhûdun zirve-i 'ulyâya irgür

Bulan bir dürr-i pâk-i bî-nazîri

Ganîden fark eder lâbüd fakîri

Efendi eyleme sûret esîri

Geçir sûretden ü ma'nâya irgür

Hüdâyî'yi irişdir feth-i bâba

Varalım Hazret-i ni'me'l-meâba

Geçir zerrâtı irgür âfitâba

Efendi katreden deryâya irgür

Azîz Mahmûd Hüdâyî

Kaddesallahu Sırrahu'l-Âlî