Çeşm-i İbretle Nazar Kıl Kudret-i Yezdân'ı Gör
25 Ekim 2021 tarihinde yayınlanmıştır.
NUTK-İ ŞERÎF
Çeşm-i 'ibretle nazar kıl kudret-i Yezdân'ı gör
Zahir olmuş her varakda san'at-ı Sübhân'ı gör
Katreyi deryâ iden deryâ-yı bî-pâyânı gör
Zerreyi hurşîd iden hurşîd-i 'âlî-şânı gör
Rabt-ı kalb eyle tarîkat pîrine ol rû-be-râh
Kalmasın âyîne-i dilde gubâr-ı iştibâh
Ka'be-i maksûda dâim eyle tevcîh-i nigâh
"Semme vechullah"ı seyr et şeş cihetde ânı gör
Hâne-i kalbin Rızâyâ eyleyüp beytü'l-hazen
'Aşk ile Ya'kûb-i vakt ol kes ümîdin gayriden
Eylesin memlû meşâm-ı cânı bûy-i pîrehen
Tahtgâh-ı Mısr-ı dilde Yûsuf-i Ken'ân'ı gör
Neccârzâde Rızâ Efendi
Kuddise Sırruh