Cihân Sûkunda Satılan Çürük Kâlâ İmiş Bildim
1 Eylül 2024 tarihinde yayınlanmıştır.
NUTK-İ ŞERÎF
Cihân sûkunda satılan çürük kâlâ imiş bildim
Ziyânın ödemez sûdu kuru gavgâ imiş bildim
Gezüp bâğını seyr itdim bahârını hazân buldum
Serâser mîvesi anın hemîn ayvâ imiş bildim
Konaldan bu gam-âbâde yime gam hâr-ı mihnetdir
Hemîn adı gibi kendi dahi ednâ imiş bildim
Temâşâ eyledim kevn ü mekânı nûr-ı vahdetde
Görünen nûr eşyâda hemîn Mevlâ imiş bildim
Bu dem bu dîde-i mahcûb ile derk olmaz ol Sultân
Bu gözle görmeden Şemsî o şeh bâlâ imiş bildim
Şemseddîn Sıvâsî
Kuddise Sırruh