Cihânda Sa'y u Hevesle Olur Hüner Âsân
1 Ağustos 2023 tarihinde yayınlanmıştır.
NUTK-İ ŞERÎF
Cihânda sa'y u hevesle olur hüner âsân
Velî bulunmaz o sâhilde gevher-i 'irfân
Eğer hazîne-i 'irfânı bulmak istersen
Tılısmı ejder-i nefs-i helâkdir ey cân
Eğer sorarsan o ejder nice olur mahkûr
Budur 'ilâcı ulaş bir mürebbî şeyhe hemân
Füsûn ile içire sana şerbet-i esmâ
O mâr olur kafes-i tende mürg-i hoş-elhân
Nefesle vâsıl olursun o genc-i ma'nâya
Eder cemâline Müştâk Hazret-i cânân
Müştak Baba
Kuddise Sırruh