Cihânı Kaplamışdır Pertev-i Envâr-ı Bismillah
16 Aralık 2020 tarihinde yayınlanmıştır.
NUTK-İ ŞERÎF
Cihânı kaplamışdır pertev-i envâr-ı bismillah
Kamaşdırmış dü-kevnin dîdesin dîdâr-ı bismillah
Bilirsen kemterîn sırrın iki dünyâya sığmazsın
Ki sığmaz safha-i endîşeye esrâr-ı bismillah
Fütûhât-ı zuhûr u bâtın andan feyz alır dâim
Mübârek-bâddır her emr-i hayra kâr-ı bismillah
Hatâdan eylemişdir Hazret-i Hakk anı vâreste
Hümâyûndur serâpâ hatt-ı 'anber-bâr-ı bismillah
Değildir gayrı Kânî olsa olsa mezheb-i Hakk'da
Metâ'-ı Çîn-i 'irfânda muhakkak bâr-ı bismillah
Ebûbekir Kâni Efendi