Çok Salât İle Selâm Olsun Şefî-i Ümmete

16 Ağustos 2019 tarihinde yayınlanmıştır.

NA'T-I ŞERÎF

Çok salât ile selâm olsun şefî'-i ümmete

Rahmet-i 'âlem dürür gark etdi bizi ni'mete

Leyle-i zalmâ iken küfr ile bütün cihân

Doğdu pes ufk-ı se'âdetde ziyâ verdi hemân

Açılup genc-i nübüvvet 'âleme verdi gınâ

Bay olup cümle ehibbâ kaldı fakr içre a'dâ

Dârü's-selâm denilüp oldu putlar ser-nigûn

Erdi İslâm'a şeref zilletde kaldı müşrikûn

Erdi Cibrîl-i emîn ile kitâb-ı müstetâb

Oldu dîn emri imâret dîni bâtıllar harâb

Urdu pes dînin esâsın buldu erkân-ı sebât

Emr olup hacc u zekât dahi savm ile salavât

Kam' edip küffârı Kahhâr-ı Îzid cünd ü nefer-i Hakk

Feth olup Mekke Medîne aldı gayrılar sebâk

Neşr edüp 'ilm-i cihâna buldu 'âlem zîneti

Doldurup emn ü emân ile giderdi vahşeti

Âlinin ashâbının ervâhına bizden selâm

Yeller esdikçe cihânda dahi gitdikçe gamâm

Zulmet-i gaflet için her biridir necm-i hüdâ

Kangısına iktidâ etsen bulursun ihtidâ

Şemseddîn Sıvâsî

Kuddise Sırruh