Çü Aşk Merdüm-i Hordur Pes Er Gerek Ey Yâr
12 Mayıs 2019 tarihinde yayınlanmıştır.
NUTK-İ ŞERÎF
Çü aşk merdüm-i hôrdur pes er gerek ey yâr
Ki ola lokma-i şîrîn-i 'aşk şîrîn kâr
Sen acı lokma gibi böyle hazm olunmaz iken
O şâh-ı 'aşka ne lâyıksın ide nûş-güvâr
Riyâzat ile za'îf ol ki tengdir o dehen
Lezîz lokma olup koy seni yesin yekbâr
Niçün dehânı yakarsın o dîk-i germ ile sen
Siyâh olur gehî esbâb ve geh leb-i destâr
Misâl-i dûzah o mi'de pür olmadı hergîz
Meğer kadem basa sana bir dem şeh-i Cebbâr
Hudâ'dır eyleyen ahbâb çeşmini şeb'ân
Yok evliyâda ne benlik ne hırs-ı her murdâr
Ne hırs-ı 'ilm ü hüner var ne reng ü bû Hakkı
Ne sulh u ceng olur anlarda 'aşk olur her bâr
İbrâhîm Hakkı Erzurûmî
Kaddesallahu Sırrahu'l-Âlî