Çü Gitdi Yârın Yoldaşın Bil Gidersin Sen Dahi
22 Mart 2019 tarihinde yayınlanmıştır.
NASÎHAT
Çü gitdi yarın yoldaşın bil gidersin sen dahi
Anı kim terketdi bular terk idersin sen dahi
Bu çarh elinde nicesi ağular tatdılar bular
Kaçan ki peymânen şek yok tadarsın sen dahi
Sermâyeyi verme yele bir fâide getir ele
Bir göç ki var Azrâil'e bir gün idersin sen dahi
Eyâ gâfil eyâ miskîn uyan gafletden bak uyan
Yağmaya vardı cân u ten nefsini güdersin sen dahi
Bâtıl yola günden güne cüst oldun sen dahi
Ayağını Hakk yoluna süst idersin sen dahi
Dünyâ benimdir diyeni gözünle gördün sen anı
Ne etdi ettirdiğini verüp ne edersin sen dahi
Eşref dürüş getir şeref yeter ömrün geçer telef
Yoksa bir gün hor-ı harf nâgâh görürsün sen dahi
Eşrefoğlu Rûmî
Kuddise Sırruh