Çün Bildin Sana Yurd Olmaz İmiş Dâr-ı Fenâ
28 Haziran 2019 tarihinde yayınlanmıştır.
NUTK-İ ŞERÎF
Çün bildin sana yurd olmaz imiş dâr-ı fenâ
Var cehd et olasın pâdişeh-i mülk-i bekâ
Vuslat hicrân olur âhir kerem lutfu cefâ
Sıhhati derde döner zevk elem balı belâ
Hani İskender-i 'âlem ü Dârâ-yı cihân
Erdi Sohrâb-ı tîr-endâza dahi tîr-i kazâ
Hani Şeddâd'la Kârûn hani Husrev hani Cem
Bunların hükmüne râm idi serâser dünyâ
Eyledi Rüstem'i bu pîre-zen-i dehr-i zebûn
Arkası yere gelüp kuvveti hep oldu hebâ
Fırsat el vermişken bahr-i me'âsîye düşüp
Yok yere ömrünü harc eyledin eyvâh sana
Seyfî'yi kayd ü te'âllukdan ırâğ et yâ Rabb
Rahmete eyle mukârin anı Bârî Hudâ
Seyyid Nizamoğlu Seyyid Seyfullah
Kuddise Sırruh