Çün Çıkar Tenden Azîz Cancağızın
26 Nisan 2019 tarihinde yayınlanmıştır.
NUTK-İ ŞERÎF
Çün çıkar tenden azîz cancağızın
Korlar kara yere bil tenceğizin
Bey efendi der iken halk-ı cihân
Unutulur ad ile sancağızın
Bunda yârân ile zevk eyler iken
Mâr u mûrla dolar dört yancağızın
Dünyâ-yı dûne değişdin ey miskîn
Az çok elinde olan dinceğizin
Seni halk eyledi Hakk tâ'at içün
Geçdi zâid yere her günceğizin
Mük ü mâl ile mağrûr olurdun
Unutuldu yatacak inceğizin
Fânîdir Seyfî çün cihânı bildin
Bâri dergâha çevir yüzceğizin
Seyyid Nizâmoğlu Seyyid Seyfullah
Kuddise Sırruh