Çün Pâdişah İmiş Bedene Cân-ı Nâtüvân
19 Haziran 2022 tarihinde yayınlanmıştır.
NUTK-İ ŞERÎF
Çün pâdişah imiş bedene cân-ı nâtüvân
Lâyık bu ki sehâ ola îmâna pâsbân
Gel imdi merd isen telef etme hazîneyi
Zîrâ verir bekâda Hudâ 'ömr-i câvidân
Kur`ân ile zıyâ dolar îmân hazînesi
Nakl eylemiş bu mes'eleyi hâce-i cihân
Top-ı salâhı kulle-i dilde müzeyyen et
Kasd etmeye hemîşe şebîhûna düşmenân
Hıfz u hırâset etmede müstahkim ol müdâm
Sa'y et ki gâret etmesin İblîs-i bî-emân
Bir gün ola ki olasın îmâna ihtiyâç
Cehd et ki hande etmesin ol gün münâfıkân
Şükr et mukadder etdiğine Rabbü'l-İzzet'in
Fikr et hemîşe âhirin ol merd-i kârvân
Giy bâşına sa'âdet ü 'izzet külâhını
Şehr-i vücûduna olagör şâh-ı kâmurân
Bir gün hazîne lâzım olur harc-ı râh içün
Oldukda ol muhâtaralı yollara revân
Görmez misin ki turreleri kûs-i rıhletin
Her gün urulmada vü çekilmekde kâr-bân
Seyyid Osman Fazlî Efendi
Kaddesallahu Sırrahu'l-Âlî