Dehânım Mahzen-i Esrâr-ı Hikmet Eyledin Cânâ
22 Temmuz 2020 tarihinde yayınlanmıştır.
NUTK-İ ŞERÎF
Dehânım mahzen-i esrâr-ı hikmet eyledin cânâ
Zebânım küfl-i ebvâb-ı hidâyet eyledin cânâ
Medâr-ı kutb-i 'irfân eyelyüp mecmu'a-i zâtım
Kelâmım reşk-bahş-ı ehl-i vahdet eyledin cânâ
Müberrâ eyleyüp kesret hicâbın dîde vü dilden
Dü 'âlemde sezâvâr-ı 'inâyet eyledin cânâ
Dil-i pür-tâbıma enhâr-ı cûdun eyleyüp icrâ
Vücûdüm katresin bahr-i hakîkat eyledin cânâ
Hezâr ahsente yekser sûre-i mir'ât-ı eşbâhı
Cemâlin şemsine mir'ât-ı fıtrat eyledin cânâ
Rızâ'ya hânkâh-ı feyz-i cûdun âşiyân etdin
Lisânın şehper-i ankâ-yı himmet eyledin cânâ
Neccarzâde Rızâ Efendi
Kuddise Sırruh