Demâdem Nûş Edüp Emvâc-ı Hûnu
19 Ocak 2022 tarihinde yayınlanmıştır.
NUTK-İ ŞERÎF
Demâdem nûş edüp emvâc-ı hûnu
Yakarız nâra sevdâ-yı cünûnu
Cehennem nûş eden serhoşlarız kim
Yarup himmetle sakf-ı nilgûnu
Şerâb-ı 'aşk-ı Sübhân'ı içüp hem
Uyuturuz bu 'akl-ı zü-fünûnu
Anı bir türlü sermest eyleriz kim
Bîrûnu bilmeyüp olsun derûnu
Çü dûzahdır bu âgâhi-i 'âlem
Uyu koy cümle tezvîr ü fünûnu
Gönül kim Hakk ile hayretde olsa
Derûnunda bulur cümle bîrûnu
Hâmûş ol Hakkı esrâr-ı nihândır
Sen âgâh etme her bed huylu bönü
Erzurumlu İbrâhim Hakkı
Kuddise Sırruh